LIBHOKISI LEKUFUNDZISA 16B
Labakhalako Nalabakhononako, Kubeka Luphawu, Kuphihlita Kutawenteka Nini Futsi Kanjani?
Lombono lobhalwe kuHezekeli sehluko 9 ugcwaliseka esikhatsini salamuhla. Kucondza kutsi tintfo titawenteka kanjani kutasisita sibhekane nekuphela kwalelive ngesibindzi
“Labakhalako nalabakhononako”
NINI: Ngemalanga ekugcina, ngaphambi kwekuhlupheka lokukhulu
KANJANI: Labanetinhlitiyo leticotfo bakhombisa ngetento nangemavi kutsi bayabenyanya bubi lobenteka kulelive. Bantfu labanjalo bayalalela nasishumayela, bachubeka bagcoka buntfu baKhristu, bayabhajatiswa kuze bakhombise kutsi batinikele kuJehova futsi basekela bomnakaboKhristu ngekwetsembeka
‘Kubeka luphawu’
NINI: Ngesikhatsi sekuhlupheka lokukhulu
KANJANI: Indvodza lenesipatji samabhalane setintfo tekubhala imelela Jesu Khristu naketa anguMehluleli wato tonkhe tive. Bantfu labayincenye yesicumbi lesikhulu batowehlulelwa ngekulunga, nobe babekwe luphawu lwekutsi batimvu futsi loko kutawuba luphawu lwekutsi batawusindza nge-Amagedoni
“Kuphihlita”
NINI: Nge-Amagedoni
KANJANI: Jesu Khristu kanye nelibutfo lakhe lasezulwini, lelifaka ekhatsi tingilosi kanye nalabangu-144 000 labatawubusa naye, batalibhubhisa ngalokuphelele lelive lelibi futsi bakhulule tikhonti letihlantekile batingenise eveni lelisha lelinekulunga