LIBHOKISI LEKUFUNDZISA 21A

‘Indzawo Lokufanele Uyibekele Eceleni’

Asesibone njengobe Hezekeli abukisisa sicephu sendzawo lehlukaniswe nguJehova. Lesicephu sinetindzawo letisihlanu. Tiyini letindzawo, futsi tifeza yiphi injongo?

Libalave lekhombisa indzawo Jehova layibekele eceleni lebitwa ngekutsi ‘yindzawo lengumnikelo’ futsi kulelibalave kunalelinye libalave lelikhombisa indzawo lesikwele lengemakhilomitha langu-12 nesigamu kusuka enyakatfo kuya eningizimu kanye nekusuka emphumalanga uye enshonalanga. Lendzawo lesikwele ibitwa ngekutsi ‘yonkhe indzawo lengumnikelo’ futsi yehlukaniswe yaba tincenye letintsatfu, letifaka ekhatsi incenye lengetulu, lesemkhatsini lapho khona kunelithempeli kanye nalengephansi lenelidolobha lelibitwa ngekutsi ‘Jehova Ulapho.’

A. ‘Indzawo Lengumnikelo’

Isetjentiswa nguhulumende futsi iphindze ibitwe nangekutsi sicephu sebaholi.

HEZ. 48:8

B. “Yonkhe Lendzawo Lengumnikelo”

Yindzawo yebaphristi, emaLevi neyelidolobha. Bantfu labachamuka kuto tonkhe letive letingu-12 nabo bayangena kulendzawo kute bakhonte Jehova futsi basekele nebaholi.

HEZ. 48:20

C. “Indzawo Yemholi”

“Lendzawo itawuba lifa lakhe ka-Israyeli. Itawuba yemholi.”

HEZ. 45:7, 8; 48:21, 22

D. ‘Indzawo Lengumnikelo Longcwele’

Lendzawo iphindze ichazwe ngekutsi “sicephu lesingcwele.” Incenye lengetulu ‘yemaLevi,’ futsi “ingcwele.” Incenye lesemkhatsini ingumnikelo “longcwele webaphristi.” Iyindzawo “yetindlu tabo kanye nendzawo lengcwele yelithempeli.”

HEZ. 45:1-5; 48:9-14

E. “Indzawo Lesele”

“Itawuba yaso sonkhe sive saka-Israyeli” futsi “itawuba yekwenta imisebenti levamile leyentiwa kulelidolobha, ibe yekwakha tindlu neyemadlelo.”

HEZ. 45:6; 48:15-19

Buyela esehlukweni 21 sigaba 3