SIFUNDVO 18

Ayibasite Labakulalele

1 Khorinte 9:19-23

LOKUFANELE UKWENTE: Yenta labakulalele bacabange ngendzaba yakho ubente babone kutsi bafundze lokutsite lokulusito.

Cabanga ngaloko labakulalele lesebavele bakwati. Kunekutsi ukhulume ngetintfo labatatiko, yenta emaphuzu akho avakale amasha.

Ungahlali kakhulu emaphuzwini labawatiko, kodvwa gcizelela kakhulu emaphuzu lamasha.
Cwaninga uphindze ucabangisise. Nawungakhona yenta tibonelo ngetintfo letisandza kwenteka kute ukhanyise kahle emaphuzu layinhloko. Cabangisisa ngendzaba yakho bese uyabona kutsi ihlobana njani naletibonelo lofuna kutisebentisa.

Nawusalungiselela, tihlole ngekutibuta imibuto lenjengale, ‘yini, leni, nini, kuphi, bani, futsi kanjani.’ Yenta inkhulumo yakho iphile ngekutsi ubute lemibuto uphindze uyiphendvule kuyo yonkhe indzaba yakho.
Khombisa kutsi lendzaba yakho ilusito ngani. Chaza indlela emaphuzu latsite emiBhalo langaba lusito ngayo kulabakulalele. Khuluma ngetimo letitsite, simo sengcondvo lesitsite kanye netento letitsite letifanelana netimo talabakulalele.