INGOMA 159
Dvumisani Jehova
1. Ngiyakubonga Jehova,
Ngalongentele kona.
Wena uyangivikela
Futsi ungilondvolote.
Akekho lofana nawe,
Babe neMdali wami.
Ungitsandzile Jehova,
Wangidvonsela nakuwe.
(LIKHORASI)
Jehova Nkhos’ ngitakudvumisa,
Ngishumayele ngawe,
Ngibabate nebukhulu bakho.
Ngikukhonte phakadze.
Wen’ ufanelwe l’dvumo.
2. Indalo yakho Jehova.
Iyatikhulumela.
Unemandla nelutsandvo,
Inkhatimulo ngeyakho.
Ngiphe emandla Jehova
Ekuma ngicinile.
Kumatima kulomhlaba.
Ngicela ungicondzise.
(LIKHORASI)
Jehova Nkhos’ ngitakudvumisa,
Ngishumayele ngawe.
Ngibabate nebukhulu bakho,
Ngikukhonte phakadze.
Wen’ ufanelwe l’dvumo.
3. Lwandle nesibhakabhaka,
Kungenta ngikwetsembe.
Ngetsembe netetsembiso
TeMbusi lonekulunga.
Lotobusa ngelutsandvo.
Futsi kutokwenteka.
Akekho longakuvimba
Wena Nkhosi yaphakadze
(LIKHORASI)
Jehova Nkhos’ ngitakudvumisa,
Ngishumayele ngawe.
Ngibabate nebukhulu bakho,
Ngikukhonte phakadze.
Wen’ ufanelwe l’dvumo.
(Phindze ubuke Hla. 96:1-10; 148:3, 7.)