Sibindzi

Lokwentiwa NguJesu

I-VIDEO: Jesu Weluleka Umbusi Lonjingile

1. Bukela le-VIDEO, nobe ufundze Makho 10:17-22, bese uphendvula lemibuto lelandzelako:

1. Ngubuphi buntfu lobuhle lokungenteka Jesu wabubona kulombusi lonjingile?

2. Ngusiphi sizatfu lesenta Jesu kwadzingeka abe nelutsandvo nesibindzi kuze eluleke lendvodza?

Yini Lesiyifundzako KuJesu?

2. Kudzingeka sikhulume ngemusa kepha ngesikhatsi lesifanako sikuchaze ngalokucacile loko umfundzi lokufanele akwente kuze achubeke atfutfuka.

Lingisa Jesu

3. Sita umfundzi kutsi atibekele imigomo aphindze ayifinyelele.

1. Sebentisa lencenye letsi “Umgomo” lesesifundvweni ngasinye encwadzini letsi Jabulela Kuphila Kuze Kube Phakadze!

2. Sita umfundzi acondze kutsi yini lokudzingeka ayente kuze akhone kufinyelela imigomo yesikhashana nemigomo yesikhatsi lesidze.

3. Mncome njalo umfundzi ngentfutfuko layentako.

4. Kudzingeka utati tintfo letivimba umfundzi kutsi atfutfuke, bese uyamsita kutsi atincobe.

1. Tibute:

   • ‘Nangabe umfundzi angatfutfuki kuze abhajatiswe, yini lemvimbako?’

   • ‘Yini lengingayenta kuze ngimsite?’

2. Thantazela sibindzi kuze ucoce nemfundzi ngaloko lokudzingeka akwente.

5. Sincamule sifundvo nangabe umfundzi angatfutfuki.

1. Kuze ubone kutsi umuntfu lofundza naye liBhayibheli uyatfutfuka yini, tibute:

   • ‘Uyakusebentisa yini loko lakufundzako?’

   • ‘Uyaya yini emihlanganweni yelibandla aphindze acocele labanye emaciniso laseBhayibhelini?’

   • ‘Ngemuva kwekuba sekafundze sikhatsi lesidze, uyafuna yini kuba nguFakazi WaJehova?’

2. Nangabe umfundzi angafuni kutfutfuka:

   • cele acabange ngaloko lokumenta angatfutfuki.

   • Ngemusa mchazele sizatfu lesikwenta usincamule lesifundvo.

   • Mtjele ngaloko lokutawudzingeka akwente nangabe atawufuna kuphindze afundze esikhatsini lesitako.