Indlela Yekufundza Nebantfu LiBhayibheli Sisebentisa Incwadzi Letsi Jabulela Kuphila Kuze Kube Phakadze!

Ngaphambi kwekutsi ufundze nemfundzi

1. 

   1. Lungiselela kahle. Nawusalungiselela, cabanga ngetidzingo, timo kanye netinkholelo temfundzi. Cabanga ngemaphuzu lokungahle kube lukhuni ngaye kutsi awacondze. Cabanga ngendlela lencenye letsi “Lokunye Longakuhlola” lengamsita ngayo umfundzi, futsi ukulungele kuyisebentisa nangabe kunesidzingo njengobe kusachubeka lesifundvo.

Nasewufundza nemfundzi

1. 2. Calisa uphindze uphetse ngemthantazo nangabe umfundzi avuma.

2. 

   3. Caphela ungakhulumi kakhulu. Naka loko lenicoca ngako futsi uvumele umfundzi avete indlela lativa ngayo.

3. 4. Nangabe nicalisa incenye lensha, fundza lencenye letsi “lokutawukhulunywa ngako” bese ukhuluma kafishane ngetifundvo letimbalwa letikulencenye.

4. 5. Nanicedza incenye ngayinye, sebentisa lencenye letsi “lokufundze encenyeni . . . ” kuze usite umfundzi akhumbule emaciniso lawafundzile.

5. 6. Nawufundza sifundvo ngasinye nemfundzi:

   1. Fundzani tigaba.

   2. Fundzani yonkhe imibhalo lebhalwe “Fundza.”

   3. Fundzani naleminye imibhalo lekhona nangabe kunesidzingo.

   4. 

      Dlala onkhe ema-video labhalwe kutsi “Dlala” (nangabe unawo).

   5. Buta umfundzi umbuto ngamunye.

   6. Kulencenye letsi “Chubeka Ufunisisa” cela umfundzi kutsi abuke titfombe aphindze atikhulumele.

   7. Sebentisa libhokisi lelinalencenye letsi “Umgomo” kuze usite umfundzi abone indlela latfutfuka ngayo. Ungamkhutsata kutsi asebentise lomgomo lobhaliwe kulesifundvo nobe atibekele leminye.

   8. Buta umfundzi kutsi kukhona yini lakujabulele kuletihloko nobe ema-video lakulencenye letsi “Lokunye Longakuhlola” nakasalungiselela lesifundvo.

   9. Njalo nanifundza yetamani kusicedza sonkhe lesifundvo.

Ngemuva kwekufundza nemfundzi

1. 

   7. Chubeka ucabanga ngemfundzi. Thantaza kuJehova umcele abusise indlela lomfundzi latfutfuka ngayo, aphindze akunikete kuhlakanipha kute wati indlela longamsita ngayo.