Litsini Libhayibheli?

Inkholo yasungulwa bantfu yini?

LABANYE BANTFU BATSI inkholo yintfo bantfu labatisungulele yona; kantsi labanye batsi Nkulunkulu usebentisa inkholo kute asite bantfu kutsi bakhone kusondzela kuye. Wena ucabangani?

LOKUSHIWO LIBHAYIBHELI

Kukhona “kukhonta lokuhlantekile nalokungakangcoli ngekwembono waNkulunkulu longuBabe wetfu.” (Jakobe 1:27) Nkulunkulu wasungula inkholo yeliciniso noma lemsulwa.

KUKHONA YINI LOKUNYE LIBHAYIBHELI LELIKUSHOKO NGALENDZABA?

• Kute inkholo ijabulise Nkulunkulu kufanele ifundzise tintfo letiseBhayibhelini ngobe liliciniso.​—Johane 4:23, 24.

• Tinkholo letifundzisa imibono yebantfu atisiti ngalutfo.​—Makho 7:7, 8.

Kubalulekile yini kutsi ube lilunga lenkholo letsite?

UNGAPHENDVULA UTSINI?

• Yebo

• Cha

• Mhlawumbe

LOKUSHIWO LIBHAYIBHELI

“Asinakaneni kuze sikhutsatane elutsandvweni nasemisebentini lemihle, singakuyekeli kuhlangana kwetfu ndzawonye.” (Hebheru 10:24, 25) Nkulunkulu ufuna bantfu bakhe bamkhonte bahlangene njengelicembu.

KUKHONA YINI LOKUNYE LIBHAYIBHELI LELIKUSHOKO NGALENDZABA?

• Bantfu labakhonta Nkulunkulu kufanele bavumelane kuloko labakukholelwako.​—1 Khorinte 1:10, 11.

• Bantfu labasenkholweni leyemukelwa nguNkulunkulu baba yincenye yebuzalwane bemhlaba wonkhe.​—1 Phetro 2:17.