Longakusho Ngabomagazini

Sicongosekulindza February 1

“Bantfu labanyenti bakholwa kutsi labafile baphila endzaweni letsite. Wena ucabangani? [Lindzela imphendvulo.] Asewunake kutsi liBhayibheli litsini. [Fundza Umshumayeli 9:5, 6.] Lomagazini usisita sibone kutsi bantfu labafile abati lutfo, futsi angeke bakwati kusisita.” Khulumela sihloko lesicala ekhasini 11.

Phaphama! February

“Labanye bayakholwa kumdali, kantsi labanye banemuva wekutsi loku akuhambisani nesayensi futsi kute ingcondvo. Wena uyini umbono wakho? [Lindzela imphendvulo.] Ngekusho kweliBhayibheli, lukholo sibili lusekelwe ebufakazini. [Fundza Hebheru. 11:1.] Lesihloko sikhombisa bufakazi bekutsi ukhona uMdali.” Khulumela sihloko lesicala ekhasini 22.

Sicongosekulindza March 1

“Bantfu labanyenti bakholwa kutsi nabafa batawuya ezulwini. Nguloko yini nawe lokukholelwako? [Lindzela imphendvulo.] Naka kutsi liBhayibheli litsi uyawuba yini umvuzo webantfu labalungile. [Fundza Tihlabelelo 37:29.] Lomagazini uchaza loko liBhayibheli lelikushoko ngekutsi bobani labaya ezulwini nangaloko labayawufike bakwente khona.”

Phaphama! March

“Njengelinyenti lebantfu, nawe uyabubabata buhle bendalo. Uyavuma yini kutsi indalo ibonisa kutsi yentiwe ngekuhlakanipha? [Lindzela imphendvulo, bese ufundza Tihlabelelo. 104:24.] Lomagazini ukhuluma ngetibonelo letimangalisako telikhono lesilibona endalweni, futsi uphindze udzingidze naloko lesikufundzako kulo.”