Libhokisi Lembuto

◼ Sifundvo seliBhayibheli lesitfutfukako kufanele sifundze naso sikhatsi lesingakanani?

Kuncono kakhulu kuchubeka sifundza nesifundvo seliBhayibheli lesitfutfukako sidzimate sicedze tincwadzi letimbili—Lifundzisani Mbambambamba LiBhayibheli? kanye naletsi “Tigcineni Elutsandvweni LwaNkulunkulu.” Singachubeka sifundza naye ngisho sekabhajatisiwe nangabe asengakacendzi kufundza letincwadzi letimbili. Nasekabhajatisiwe, singase sichubeke sibike sifundvo, sikhatsi kanye nemahlandla lesibuyele ngawo kuye. Nangabe lomunye ummemeteli ahamba natsi nasiyewuchuba lesifundvo, angase abike sikhatsi lasicitsile alapho.—Fundza Umsebenti Wetfu WeMbuso wa-March 2009, ekhasini 2, lotfolakala ngesiZulu.

Kubalulekile kutsi bafundzi labasha babe nesisekele lesihle ecinisweni ngembikwekutsi siyekele kufundza nabo. Kufanele ‘basime’ kuKhristu futsi ‘baciniswe ekukholweni’ kute bakwati kulwisana netinkinga labatawubhekana nato. (Kho 2:6, 7; 2 Thim 3:12; 1 Phet 5:8, 9) Ngetulu kwaloko, kute bafundzise labanye ngalokuphumelelako, kufanele kwabona “bafinyelele ekulatini liciniso.” (1 Thim 2:4) Ngako-ke, ngekufundza tincwadzi letimbili siticedze nebafundzi, sisuke sibasita kutsi banamatsele ‘endleleni leyisa ekuphileni.’—Mat 7:14.

Ngembikwekuba bavume kutsi lotsite abhajatiswe, labadzala kufanele baciniseke kutsi utati kahle timfundziso teliBhayibheli letisisekelo futsi uphila ngekuvumelana nato. Labadzala kufanele bakuphaphamele loku ikakhulukati kumfundzi losengakayicedzi incwadzi yekucala. Nangabe loyo mfundzi angafaneleki kutsi abhajatiswe, labadzala batawenta konkhe lokusemandleni kutsi atfole lusito kute atewufaneleka esikhatsini lesitako.—Fundza incwadzi letsi “Ukuhlelelwa Ukwenza Intando KaJehova” emakhasini 217-218, letfolakala ngesiZulu.

[Blurb on page 2]

Kubalulekile kutsi bafundzi labasha babe nesisekelo lesihle ecinisweni