Tisebentise Kunekutsi Utibeke

Emabandla lamanyenti anetincwadzi letindzala esitokweni. Kungani ungatitsatseli letinye tato kute uyewutentela wakho umtapo? Kuliciniso kutsi kusenekwenteka kakadze sewunato letinye taletincwadzi ku-Watchtower Library, kodvwa nobe kunjalo, kunetinzuzo letinkhulu kuba nalencwadzi yona lucobo lwayo. Ukhona yini lotsite lomchubela sifundvo seliBhayibheli futsi lotfutfukako? Mkhutsate kutsi naye atitsatsele letincwadzi letindzala futsi acale kutentela wakhe umtapo. Umbonisi weSikolwa Semsebenti WemaKhristu kufanele aciniseke kutsi emtajeni waseHholweni LeMbuso tikhona tonkhe tincwadzi letindzala libandla lelinato esitokweni. Letincwadzi tibalulekile. Kunekutsi libandla litibeke, kungaba kuhle kakhulu kutsi sititsatse kute siyewutisebentisa.