Sibonelo Setinshumayelo Lesingatisebentisa

Kucalisa Tifundvo TeliBhayibheli NgeMgcibelo Wekucala Ku-December

“Bantfu labanyenti badidekile ngekutsi bangayibona njani inkholo yeliciniso. Ucabanga kutsi nguluphi luphawu lwenkholo yeliciniso? [Lindzela imphendvulo.] Asewunake kutsi 2 Thimothi 3:16, 17 utsi emaKhristu eliciniso ayitsatsa njani imibhalo. [Fundza.]” Coca nemnikati welikhaya ngaloko lokusesihlokwaneni sesitsatfu ekhasini 16 le-Sicongosekulindza sa-October-December. Mnikete lomagazini, futsi uhlele kubuya kute nicoce ngembuto lolandzelako.

Sicongosekulindza October-December

“Ngetizatfu letehlukehlukene, bantfu labanyenti abayibhadali imitselo. Wena ucabangani ngalendzaba? Kubalulekile yini vele kutsi bantfu babhadale imitselo? [Lindzela imphendvulo.] Asewunake loko liBhayibheli lelikushoko mayelana nekubhadala imitselo. [Fundza Roma 13:6, 7.] Sihloko lesisekhasini 13 siveta letinye tizatfu letenta kudzingeke kutsi bantfu babhadale imitselo.”

Phaphama! December

Fundza 2 Thimothi 3:16, bese utsi: “Labanye bantfu bayavuma kutsi liBhayibheli laphefumulelwa nguNkulunkulu, kantsi labanye bayakuphika loku. Wena ucabangani? [Lindzela imphendvulo.] Nanobe kunemibono lengafanani ngalowo mbuto, bantfu labanyenti bayavuma kutsi kute lenye incwadzi lokudzingeke kutsi imelane nekuhlaselwa lokukhulu kute ichubeke ikhona. Lomagazini uchaza leminye imetamo lebeyisolo yentiwa kuyo yonkhe leminyaka kute kushabalaliswe liBhayibheli futsi bantfu bayekeliswe kulifundza. Uphindze uchaze nekutsi yini leyente kutsi lichubeke likhona kute kube kulamuhla.”