Vikela Nembeza Wakho
1. Sitsini sihloko semhlangano lokhetsekile wemnyaka wemsebenti wa-2013, futsi iyini injongo yawo?
1 Onkhe malanga sihlangabetana netimo letingasenta sente tintfo letingalimata nembeza wetfu. Kungaleso sizatfu umhlangano lokhetsekile wemnyaka wemsebenti wa-2013 lotawucala nga-September 1, 2012, unesihloko lesitsi “Vikela Nembeza Wakho.” (1 Thim. 1:19) Lomhlangano wentelwe kusita ngamunye wetfu kutsi anakisise indlela lasisebentisa ngayo lesipho lesimangalisako lesivela kuMdali.
2. Ngumiphi imibuto lebalulekile letawuphendvulwa emhlanganweni?
2 Yetama Kutfola Lamaphuzu Lalandzelako: Kulomhlangano kutawuphendvulwa imibuto lesikhombisa leyinhloko lemayelana nanembeza:
• Yini lengaba yingoti kunembeza wetfu?
• Singawucecesha njani nembeza wetfu?
• Yini lesingayenta kute singabi nelicala lengati labo bonkhe bantfu?
• Kucabanga ngetimiso teliBhayibheli nekutisebentisa kuveta kutsi sibantfu labanjani?
• Singakubalekela njani kulimata bonembeza balabanye?
• Nine labasha, ningahlala njani nicinile naniphocelelwa kutsi nente tintfo letimbi?
• Labalalela nembeza wabo loceceshwe timiso teliBhayibheli, batfola tiphi tibusiso?
3. Singazuza njani kulomhlangano?
3 Ngelusito lwaJehova, singakhona kuncoba imetamo yaSathane yekonakalisa nembeza wetfu. NgeliVi nangenhlangano yakhe, Babe wetfu wasezulwini lositsandzako usitjela kutsi: “Nansi indlela, hambani ngayo.” (Isa. 30:21) Lomhlangano ungulenye yetindlela Jehova lasicondzisa ngato. Ngako-ke, yenta emalungiselelo ekuba khona lilanga lonkhe kulomhlangano. Lalelisisa futsi ucabange ngendlela lotawasebentisa ngayo ekuphileni kwakho emaphuzu lotawatfola. Cocani ngalomhlangano njengemndeni. Kutimisela kusebentisa ticondziso lesitatitfola kutasenta kutsi ‘sibe nanembeza lomsulwa’ futsi sibalekele kudukiswa yinjabulo yesikhashana yalelive laSathane.—1 Phet. 3:16.