Kungakuzuzisa Yini Kuba Nensimi Yakho?
1. Iyini insimi yakho?
1 Iyini insimi yakho? Yinsimi loniketwa yona mhlawumbe leseceleni kwalawuhlala khona, itfolakala emabandleni lanensimi lenkhulu. Incwadzi letsi “Ukuhlelelwa” ekhasini 103, itsi: “Ukuba nensimu yakho endaweni ekulungele kuyokwenza ukwazi ukusisebenzisa kahle isikhathi ongasichitha enkonzweni yasensimini. Futhi ungase uthande ukumema omunye ummemezeli ukuba asebenze nawe ensimini yakho.”
2. Ungenta njani kuze usebente insimi yakho kanye neyelicembu?
2 Yani Nasensimini Yelicembu Lakho: Nangabe uniketwe insimu leseceleni kwalawusebenta khona, ungakhona kuya kuyo ngesikhatsi selikhefu nobe nawuphuma emsebentini, mhlawumbe uyisebente nemmemeteli losebenta dvutane. Nawutfole ledvutane nalawuhlala khona, ningayisebenta nakusihlwa nemndeni wakho. Nawungeke uye emhlanganweni lochutjwa kusengakayiwa ensimini, kuhle kutsi uthantaze ucele sicondziso kuJehova usengakacali kushumayela. (Fil. 4:6) Ngetulu kwaloko, kufanele ube nesikhatsi losisebenta ensimini yakho nesikhatsi sekusekela licembu lowabelwe kulo. Kuncono kakhulu kulisekela ngetimphelasontfo ngobe bamemeteli labanyenti baba khona ensimini.
3. Ngutiphi tinzuzo tekuba nensimu yakho?
3 Tinzuzo: Nangabe unensimi yakho, usuke unendzawo longashumayela kuyo ngesikhatsi lesikulungelako. Ungacitsa sikhatsi lesinyenti ushumayela kunekusicitsa uhamba uya ensimini. Loku kwente labanye bakhona kuba ngemahlahlandlela lasitako nobe lavamile. Njengobe bantfu lococa nabo labatsandza kufundza badvutane nawe, loko kwenta kube melula kubuyela kubo uphindze uchube netifundvo teliBhayibheli. Labanyenti batfole kutsi kuba nensimi yakho kukusita kutsi wetayelane nebantfu bakuleyo nsimi futsi ubenta bakwetsembe ikakhulukati nangabe lensimi utayisebenta kanyenti usengakalibuyiseli emuva likhadi layo kuze iniketwe labanye. Kusebenta insimi yakho kungakusita yini wena nemndeni wakho kutsi niwufeze umsebenti wekushumayela?—2 Thim. 4:5.