SIHLOKO SENYANGA: ‘SHUMAYELA LIVI, LOKO UKWENTE NGEKUTIMISELA.’—2 THIM. 4:2.
Yini Longayenta Kute Uwente Ngekutimisela Umsebenti Wekushumayela?
Kuze utimisele kudzingeka wente umetamo, futsi kutimisela kubalulekile kuze ukhone kusindza ekupheleni kwalelive lelibi. Ngekunaka letikhumbuto letilandzelako, singakhona kukhulisa lizinga lekutimisela kwetfu.
Wuthantazele njalo uMbuso.—Mat. 6:10.
Vikela inhlitiyo yakho ngekutsi ufundze liBhayibheli malanga onkhe.—Heb. 3:12.
Sisebentise kahle sikhatsi sakho.—Ef. 5:15, 16; Fil. 1:10.
Bani neliso ‘lelihle.’ Ungativumeli tifiso talelive kutsi tikuphazamise.—Mat. 6:22, 25; 2 Thim. 4:10.
Hlala ulindzile ngekutsi ukunake kugcwaliseka kwetiphrofetho teliBhayibheli.—Mak. 13:35-37.
Kutimisela kutasikhutsata kutsi sihlanganyele ngalokugcwele kulomsebenti lotawuphela masinyane.—Joh. 4:34, 35.