Hlanganyela Tintfo ‘Letinhle’ Nalabanye Ngekwemukela Tivakashi (Mat. 12:35a)

Asingabati kutsi sonkhe siyafuna kuhlanganyela tintfo ‘letinhle’ nalabanye ngekutsi ‘semukele tivakashi.’ (Rom. 12:13) Labadzala belibandla bahamba embili kuloku ngekutsi bahlele kutsi tikhulumi letivakashile temukelwe futsi tinakekelwe tiphindze titfole imali yekukhokhela tindleko tekuhamba. Kodvwa-ke, kungenteka tsine singabate kwemukela tivakashi ngenca yekutsi sinetintfo letimbalwa nobe sitiva singakhululeki ngekuba nalabanye bantfu emakhaya etfu. Kukhumbula seluleko Jesu lasinika Mata kungasisita nangabe sitiva ngaleyo ndlela. (Luk. 10:39-42) Wagcizelela kutsi “lokuncono kakhulu” endzabeni yekwemukela tihambi kuba ndzawonye kanye nekukhutsatana, hhayi tibiliboco nobe indlu lehlotjiswe kahle. Nasisebentisa leseluleko, sonkhe singakhona kuhlanganyela tintfo ‘letinhle’ nebazalwane betfu ngekuvumelana neliVi laNkulunkulu.​—3 Joh. 5-8.