Sebentisa Emandla EliVi LaNkulunkulu Emsebentini Wekushumayela
Nangabe umuntfu asiniketa litfuba lekutsi sicoce naye ngetindzaba letimnandzi, silisebentisa kahle lelo tfuba futsi sisebentise nemandla eliVi laNkulunkulu ngekutsi imibhalo siyifundze ngalokucondzile eBhayibhelini. Loku kwagcizelelwa emihlanganweni lekhetsekile yemnyaka lophelile. Umbonisi wesigodzi wetfula inkhulumo lebeyinesihloko lesitsi: “Sebentisa Emandla EliVi LaNkulunkulu Emsebentini Wekushumayela.” Usawakhumbula yini lamaphuzu labalulekile labekuleyo nkhulumo?
Kungani livi laJehova linemandla kunalesikushoko?—2 Thim. 3:16, 17.
LiVi laJehova liyitsintsa njani indlela lesitiva ngayo, lilawule imicabango, lisente sibe netisusa letinhle, lishintje tinkholelo tetfu, futsi lilawule netento tetfu?—Fundza Sicongosekulindza saJune 15, 2012, likh. 27, sig. 7.
Nasifundzela umuntfu umbhalo ensimini, singawetfula njani ngendlela letawumenta alihloniphe liVi laNkulunkulu?—Fundza incwadzi letsi Sikolwa Semsebenti, likh. 148, tig. 3-4 kanye ne-Msebenti Wetfu WeMbuso waMarch 2013, likh. 6, sig. 8.
Kungani kubalulekile kutsi imibhalo lesiyifundzako siyichaze siphindze sibonisane nebantfu ngayo, futsi loku singakwenta njani?—Imis. 17:2, 3; fundza incwadzi letsi Sikolwa Semsebenti, likh. 154, sig. 4 kuya ekh. 156, sig. 5.