I-Watchtower ONLINE LIBRARY

I-Watchtower ONLINE LIBRARY

WeSicongosekulindza

mwb16 April likh. 3
Khutsata Futsi Ucinise Labanye Ngemavi Lanemusa

Kuphila KwemaKhristu Nemsebenti Wawo—Incwajana Yekubhalela Emihlanganweni—2016

mwb16 April likh. 3

UMCEBO LOSEVINI LANKULUNKULU | JOBE 16-20

Khutsata Futsi Ucinise Labanye Ngemavi Lanemusa

Emavi emeluleki kufanele abakhutsate labanye

Jobe abecindzetelekile futsi aselusizini, ngako abedzinga sikhutsato nekusekelwa
Bangani bakhe labatsatfu abazange bamdvudvute, kunaloko bahlohlela linyeva ekhatsi ngekutsi bamsole

Emavi labuhlungu lakhulunywa nguBildadi amkhalisa Jobe

Jobe wakhala kuNkulunkulu acela kutsi amkhulule—abesafisa nekufa
Jobe wabeketela ngekwetsembeka ngobe anelitsemba leluvuko

BoBildadi naSofari babukela Elifazi akhuluma naJobe

BAMANGALELI BAJOBE

Elifazi:

Kungenteka bekawase-Edomu endzaweni lebitwa ngekutsi yiThemani. Indzawo yaseThemani kukhulunywa ngayo embhalweni waJeremiya 49:7 kutsi beyinetihlakaniphi tase-Edomu
Kungenteka Elifazi nguye abemdzala kulamadvodza lamatsatfu, ngako wakhuluma kucala. Wabeka tinkhulumo letintsatfu futsi wakhuluma sikhatsi lesidze

Emanga lawakhuluma:

Wahlekisa ngebucotfo baJobe watsi Nkulunkulu akabetsembi bantfu baKhe (Job 4, 5)
Watsi Jobe wenta tintfo lete lilungelo lekutsi atente futsi wenta nalokubi, wachubeka watsi Jobe akamesabi nekumesaba Nkulunkulu (Job 15)
Watsi Jobe ungumuntfu longakalungi futsi unebugovu, ngako Nkulunkulu akanendzaba naye (Job 22)

Bildadi:

Abengumtukulu waShuwa. Kungenteka abehlala dvutane neMfula iYufrathe
Wakhuluma emuva kwa-Elifazi. Noma tinkhulumo takhe letintsatfu betitimfisha kodvwa tatihlaba tephukela

Emanga lawakhuluma:

Watsi bantfwana baJobe baze bavelelwe ngulenhlekelele ngulokutsi bebone kakhulu, futsi watsi Jobe naye abengamhloniphi Nkulunkulu (Job 8)
Bekacondze kutsi Jobe wenta tento letimbi (Job 18)
Watsi akusiti kutsi bantfu bahlale bacotfo kuNkulunkulu (Job 25)

Sofari:

BekangumNama, kungenteka bekawase nyakatfo-mphumalanga ye-Arabiya
Waba wekugcina kukhuluma futsi nemavi akhe ahlaba ephukela kwendlula alaba labanye. Wabeka tinkhulumo letimbili kuphela

Emanga lawakhuluma:

Watsi kuJobe ukhuluma lite, waphindze watsi akayekele kwenta tintfo letimbi (Job 11)
Kungenteka abecondze kutsi Jobe uyakutsandza kwenta sono (Job 20)