Fundzisa Liciniso

Kusukela ngaSeptember, Incwajana Yekubhalela Emihlanganweni Yekuphila KwemaKhristu Nemsebenti Wawo itawengetwa luhlobo lolusha lwenshumayelo lesibonelo lenesihloko lesitsi “Fundzisa Liciniso.” Umgomo wetfu kutawube kukugcizelela liciniso lelisisekelo leliseBhayibhelini, usebentisa umbuto kanye nembhalo.

Nangabe sibona kutsi umuntfu uyakutsandza loko lakufundzako, singamenta akulangatelele kubuya kwetfu ngekutsi simshiyele incwadzi nobe simbukelise i-video letfolakala ku-jw.org. Kufanele setame kusheshe sibuyele kuloyo lesicoce naye kute sitewuchubeka sicoce. Letinshumayelo letinsha netabelo tebafundzi titawube titsatselwe etihlokweni tencwadzi letsi Lokufundziswa LiBhayibheli. Kulokubuketwa kwetahluko, singatfola imibhalo letasisita sibuyele kulesicoce nabo nobe sichube sifundvo sisebentisa liBhayibheli kuphela.

Yinye kuphela indlela leya ekuphileni. (Mat. 7:13, 14) Njengobe sicoca nebantfu labanetinkholo letingafani nalabakhuliswe ngendlela lengafani, kufanele sibacocele emaciniso laseBhayibhelini ngendlela yekutsi bakujabulele loko labakufundzako. (1 Thim. 2:4) Njengobe sichubeka sijwayelana netihloko letitsite teliBhayibheli futsi sitfutfukisa emakhono etfu ‘ekuphatsa livi leliciniso ngendlela lefanele,’ sitawujabula futsi siphumelele ekufundziseni labanye liciniso.​—2 Thim. 2:15.