“Nangu Mine, Tfuma Mine!”

Sibonelo sa-Isaya sekuba nemoya lovumako sifanele kulingiswa. Wakhombisa kutsi unekukholwa ngekutsi asheshe avume nanobe abengayati imininingwane. (Isa 6:8) Ungatihlela yini timo takho kuze uyokhonta lapho kunesidzingo lesikhulu sebamemeteli beMbuso? (Hla 110:3) Kubalulekile kutsi ‘ubale tindleko’ tekuyokhonta khona. (Luk 14:27, 28) Ngako-ke timisele kutidzela ngenca yetindzaba letimnandzi. (Mat 8:20; Mak 10:28-30) Kule-video letsi Kukhonta Endzaweni Lenesidzingo Lesikhulu, sitawubona kutsi kwenta umsebenti waJehova kuletsa tibusiso letendlula nome ngukuphi kutidzela lesikwentako.

NGEMVA KWEKUBUKELA LE-VIDEO BUTA LEMIBUTO LELANDZELAKO:

• Ngukuphi kutidzela umndeni waka-Williams lokwadzingeka ukwente kute uyokhonta e-Ecuador?

• Yini labacabanga ngayo nabakhetsa indzawo labatawukhonta kuyo?

• Ngutiphi tibusiso labatijabulela?

• Ungayitfolaphi imininingwane lemayelana nekuyokhonta lapho kunesidzingo lesikhulu khona?

EKUKHONTENI KWENU KWEMNDENI LOKULANDZELAKO COCANI NGANAYI IMIBUTO:

• Yini lesingayenta njengemndeni kute sicitse sikhatsi lesinyenti emsebentini wekushumayela? (km 8/11 4-6)

• Nangabe singakhoni kuyewukhonta lapho kunesidzingo lesikhulu khona, ngutiphi tindlela lesingalisita ngayo libandla lesikulo? (w16.03 3-5)