KUPHILA KWEMAKHRISTU
Phila Ngendlela Lekhombisa Kutsi Ukhonta Jehova!
Kuphila kusipho lesiligugu. Indlela lesisisebentisa ngayo lesipho lilanga ngalinye iveta kutsi siyasijabulela. BoFakazi BaJehova betama kusebentisa emakhono abo kuze badvumise Jehova longuMtfombo Wekuphila. (Hla 36:9; Sem 4:11) Kodvwa tinkinga talelive lelibi tingasenta singasatinaki tintfo letiphatselene naNkulunkulu. (Mak 4:18, 19) Ngamunye wetfu wenta kahle kutibuta: ‘Nginikela ngalokuncono kakhulu yini kuJehova? (Ho 14:2) Umsebenti wami awukuphatamisi yini kukhonta kwami Jehova? Ngumiphi imigomo lenginayo? Ngingawutfutfukisa njani umsebenti lengiwentela Jehova?’ Nangabe ubona kutsi kufanele utfutfukise, thantaza kuJehova umcele akusite. Asingabati kutsi kukhonta Jehova kusenta senetiseke futsi sihlale sijabulile.—Hla 61:8.
Uwasebentisa kuphi emakhono akho?
BUKELANI I-VIDEO LETSI SEBENTISA EMAKHONO AKHO EKUKHONTENI JEHOVA, BESE NIPHENDVULA LEMIBUTO LELANDZELAKO:
Kungani kungasiko kuhlakanipha kusebentisa emakhono akho kulelive laSathane? (1Jh 2:17)
Ngutiphi tibusiso letitfolwa ngulabo labanikela ngalokuncono kakhulu kuJehova?
Ngingavolontiya kuphi kuze ngisebentise emakhono ami ekukhonteni Jehova?