Nanobe liPhasika belingabiketeli ngeSikhumbuto, kukhona lesingakufundza kulobekwenteka ngeliPhasika. Sibonelo saloko kutsi umphostoli Pawula watsi Jesu ‘uliwundlu leliPhasika letfu.’ (1Ko 5:7, bi-SWI) Njengoba ingati yeliwundlu lebeyisetinsikeni temnyango yasindzisa kuphila kwema-Israyeli, nengati yaJesu isindzisa kuphila kwabo bonkhe labakholwa kuye. (Eks 12:12, 13) Kute ngisho nalinye litsambo leliwundlu leliPhasika lebeliphulwa. Ngalokufanako, kute ngisho nalinye litsambo laJesu lelephulwa, ngisho nome bekulisiko kwenta njalo nangabe siboshwa sigwetjelwe kufa.—Eks 12:46; Joh 19:31-33, 36.