Bhasobha Tingoti Tekuchumana Nge-Internet

KUNGANI KUBALULEKILE: Ema-website ekuchumana nge-Internet angasisita noma asibangele tinkinga. Lamanye emaKhristu akhetsa kungawasebentisi. Kantsi lamanye ayawasebentisa kute achumane nemindeni yawo kanye nebangani. Kepha Develi ufuna kutsi siwasebentise kabi lama-website, lokungalimata lidvumela letfu lelihle kanye nebudlelwane betfu naJehova. Singamlingisa Jesu ngekusebentisa timiso letiseVini laNkulunkulu kute sibone tingoti talama-website futsi sitibalekele.​—Luk 4:4, 8, 12.

TINGOTI LOKUFANELE SITIBALEKELE:

• Kusebentisa ema-website ekuchumana nge-Internet ngalokwecile. Kucitsa sikhatsi lesinyenti sikulama-website kungadla sikhatsi lokufanele sisisebentisele kukhonta Jehova.

  Timiso letiseBhayibhelini: Efe 5:15, 16; Flp 1:10

• Kubuka nekufundza tintfo letingakalungi. Kubuka titfombe letivusa inkhanuko kungakungena, uze ugcine utiphetse kabi. Kufundza ema-blogs noma ema-website etihlubuki kungakulimata kukholwa kwakho.

  Timiso letiseBhayibhelini: Mat 5:28; Flp 4:8

• Kutfumela titfombe nemilayeto lengakalungi. Njengobe inhlitiyo yakho ingakuyenga, ungatikhandza sewutfumela titfombe nemilayeto lengamfaneli umKhristu. Kepha kwenta loko kungalilimata lidvumela lemuntfu nome kwente kukholwa kwakhe kunciphe.

  Timiso letiseBhayibhelini: Rom 14:13; Efe 4:29

BUKELA I-VIDEO LETSI HLAKANIPHA NAWUSEBENTISA TEKUCHUMANA NGE-INTERNET FUTSI UNAKE KUTSI UNGAKUGWEMA NJANI LOLOKULANDZELAKO: