“Kunikela kuJehova”

Ngutiphi tindlela lesingatisebentisa ‘nasifuna kunikela kuJehova’ lamuhla? (1Khr 29:5, 9, 14) Lapha ngentasi kunetindlela letehlukahlukene lesingakhetsa kunikela ngato ngekutitsandzela kute sisekele umsebenti waboFakazi BaJehova, lowentiwa emabandleni nobe mhlaba wonkhe.

IMINIKELO LESIYITFUMELA NGE-INTERNET NOBE NGEKUYIFAKA EMABHOKISINI EMINIKELO ISEKELA:

• 

  UMSEBENTI WEMHLABA WONKHE

  kwakha takhiwo tenhlangano kanye nekunakekela tindzawo temagatja netemahhovisi ekuhumusha

  tikolwa tenhlangano

  tikhonti letisemsebentini lokhetsekile wasikhatsi sonkhe

  kusita nakuvele tehlakalo

  umsebenti wekushicilela, wekwentiwa kwema-video, wekwentiwa kwemisebenti lefakwa ku-jw.org

• 

  TINDLEKO TEMABANDLA

  tindleko telibandla njengagesi, emanti nalokunye kanye nekunakekelwa kweliHholwa LeMbuso

  nome nguliphi livi lesincumo lelentiwe libandla kute litfumele imali letsite egatjeni kute kusekelwe naku lokulandzelako:

  • kwakhiwa kwemaHholwa eMbuso nemaHholwa Emhlangano emhlabeni wonkhe

  • lilungiselelo lelibitwa ngekutsi yi-Global Assistance Arrangement (GAA)

  • naleminye imisebenti leyentiwa mhlaba wonkhe

IMIHLANGANO YETIFUNDZA NEYETIGODZI

Iminikelo letfolakala emihlanganweni yesifundza itfunyelwa emsebentini wemhlaba wonkhe. Tindleko letiphatselene nemhlangano wesifundza, lokhetsekile newetive tibhadalwa ngemali yemsebenti wemhlaba wonkhe.

Iminikelo letfolakala emihlanganweni yesigodzi isetjentiswa kucasha indzawo yemhlangano, kuyinakekela, kuyisebentisa kahle kanye naletinye tindleko letiphatselene nalowo mhlangano. Sigodzi singancuma kutsatsa imali lesele siyitfumele emsebentini wemhlaba wonkhe waboFakazi BaJehova.