“Chubekani Nicabanga Ngaletintfo”

Ngutiphi letintfo? Filiphi 4:8 ukhuluma ngekunaka tintfo letiliciniso, tintfo letibaluleke kakhulu, tintfo letilungile, tintfo letimsulwa, tintfo letitsandzekako, tintfo lokukhulunywa kahle ngato, tintfo letinhle, kanye netintfo letidvunyiswako. Ecinisweni, loko akusho kutsi emaKhristu sekufanele acabange ngeliBhayibheli ngaso sonkhe sikhatsi. Nobe kunjalo, tintfo lesiticabangako kufanele timjabulise Jehova. Akukafaneli kube tintfo letitawukwenta kukholwa kwetfu kuNkulunkulu kube butsakatsaka.—Hla. 19:14.

Kungaba matima kubalekela yonkhe imicabango lemibi. Kufanele silwisane nesono lesikitsi kanye titsiyo taSathane, ‘longunkulunkulu walelive.’ (2 Khor. 4:4) Sizatfu kutsi nguye Sathane locondzisa lokudlalwa ku-tv, emsakatweni, ku-internet, kanye nakumaphephandzaba, bomagazini netincwadzi emhlabeni wonkhe. Ngako-ke, kufanele sitikhetse kahle tintfo lesitibukelako nalesiticabangako, ngenca yekutsi loko lesondla ngako tingcondvo tetfu kuyakutsintsa kucabanga kwetfu kanye nekutiphatsa kwetfu.—Jak. 1:14, 15.

BUKELA I-VIDEO LETSI GWEMA TINTFO LETONAKALISA KWETSEMBEKA—KUTIJABULISA LOKUNGAKALUNGI, BESE NIPHENDVULA LEMIBUTO LELANDZELAKO:

• 

  Yini lomzalwane bekayibukela elucingweni lwakhe, futsi kwamtsintsa njani?

• 

  UmBhalo waGalathiya 6:7, 8 neTihlabelelo 119:37 wamsita njani?