Timisele Kuhlala Wetsembekile Njengoba Kuphela Kusondzela

KUNGANI KUBALULEKILE: Tentakalo letimangalisako letitawukwenteka madvutane titawuvivinya kukholwa kanye nekwetsembela kwetfu kuJehova ngendlela leyehluke kakhulu kunasesikhatsini lesendlulile. Kuhlupheka lokukhulu kutawucala ngekutsi kubhujiswe inkholo yemanga. (Mat 24:21; Sem 17:16, 17) Kulesikhatsi lesi, kungenteka sitawube simemetela umlayeto lonemandla wesehlulelo. (Sem 16:21) Sitawuhlaselwa nguGogi wakaMagogi. (Hez 38:10-12, 14-16) Kuze Jehova avikele bantfu bakhe, utawuletsa ‘imphini yelilanga lelikhulu laNkulunkulu Somandla.’ (Sem 16:14, 16) Kuze simelane ngesibindzi naletentako letitako, kufanele sicale nyalo kuhlala setsembekile nangabe kukholwa kwetfu kuvivinywa.

INDLELA YEKUKWENTA:

• Tisebentise ngesibindzi timiso taJehova lephakeme.—Isa 5:20

• Ungakuyekeli kuhlangana nebazalwane lokanye nabo.—Heb 10:24, 25

• Hlale ukulungele kulalela ticondziso letichamuka enhlangaweni yaJehova.—Heb 13:17

• Cabangisisa ngendlela Jehova lakhulula ngayo tinceku takhe tasendvulo.—2Ph 2:9

• Thantaza kuJehova futsi wetsembele kuye.—Hl 112:7, 8

BUKELA LE-VIDEO LETSI TINTFO LETITAWUKWENTEKA ESIKHATSINI LESITAKO LETITAWUDZINGA SIBINDZI—INCENYE, BESE UPHENDVULA LEMIBUTO LELANDZELAKO:

• 

  Kwavivinywa njani kulalela kwalabanye bamemeteli ngesikhatsi libandla lebebahlanganyela kulo lihlanganiswa nalamanye emabandla?

• 

  Kulalela kusenta njani kutsi sibe nesibindzi?

• 

  Kungani kutawudzingeka kutsi sibe nesibindzi nakufika i-Amagedoni?

• 

  Nguyiphi indzaba leseBhayibhelini lengacinisa kwetsembela kwetfu emandleni aJehova ekusindzisa?—2Tk 20:1-24