Caphela, Ungatisakati Tindzaba Letingemanga

Lamuhla, tindzaba tingafika kubantfu labanyenti ngekushesha, kusetjentiswa tintfo letishicilelwe, i-radio, i-tv nobe i-internet. Tikhonti ‘taNkulunkulu weliciniso,’ atitisakati tindzaba letingemanga ngisho nangeliphutsa. (Hl 31:5; Eks 23:1) Emanga landluliselwa kulabanye bantfu angenta umonakalo lomkhulu. Nangabe ungaciniseki ngendzaba letsite kutsi iliciniso, tibute:

• ‘Ngingawetsemba yini lomtfombo walendzaba?’ Loyo lokhuluma lendzaba kungenteka akawati kahle emaciniso ayo. Nangabe bantfu bakhuluma indzaba letsite kulabanye bantfu, leyo ndzaba ibese iyashintja, ngako caphela kutsi ungayikhulumi indzaba longati kutsi icale kanjani. Ngenca yekutsi labo labanemalungelo ebandleni bayetsenjwa kutsi loko labakukhulumako kuliciniso, kufanele bacaphele kutsi abatikhulumi tindzaba labangaciniseki kutsi tiliciniso yini

• ‘Lendzaba iyinhlebo lelimatako yini?’ Nangabe indzaba letsite yona ligama lemuntfu nobe licembu lelitsite, kukahle kutsi ungahambi ukhuluma ngayo.—Tag 18:8; Flp 4:8

• ‘Ngingayetsemba yini lendzaba?’ Ticaphele tindzaba letingayitsintsa indlela labanye labativa ngayo kanye netindzaba letimayelana naloko lokwenteke kulabanye bantfu

BUKELA I-VIDEO LETSI NGINGAKUYEKELA NJANI KUHLEBA? BESE UPHENDVULA LEMIBUTO LELANDZELAKO:

• 

  Ngekusho kweTaga 12:18, emavi angawudala kanjani umonakalo?

• 

  Filiphi 2:4, usisita njani kutsi sisebentise kuhlakanipha nasikhuluma ngalabanye bantfu?

• 

  Yini lokufanele siyente nangabe labanye bantfu sebacale kukhuluma kabi ngalabanye?

• 

  Ngaphambi kwekutsi sikhulume ngalabanye, ngumiphi imibuto lokufanele sitibute yona?