Umkhankhaso Lokhetsekile Wekumemetela NgeMbuso WaNkulunkulu NgaNovember

Jesu wamemetela tindzaba “letimnandzi teMbuso waNkulunkulu.” (Luk 4:43) Waphindze wafundzisa nebantfu kutsi bawuthantazele loMbuso. (Mat 6:9, 10) NgaNovember sitawenta umetamo lokhetsekile kute simemetele ngeMbuso waNkulunkulu. (Mat 24:14) Hlela kahle timo takho kute uwusekele ngalokugcwele lomkhankhaso. Bonkhe labangemahlahlandlela lasitako bangakhetsa kusebenta ema-awa langu-30 nobe langu-50 kuleyo nyanga.

Fundza umbhalo lokhuluma ngeMbuso waNkulunkulu nebantfu labanyenti ensimini lokuyo. Nawukhetsa lombhalo cabangela timo tenkholo talabo lokhuluma nabo. Nangabe lotsite akhombisa kutsi uyakutsandza loku lenicoca ngako ekuhambeleni kwekucala, mnikete Sicongosekulindza No. 2 2020. Buyela kuye ngekushesha nje nawutfola litfuba, bese wetama kucalisa sifundvo seliBhayibheli usebentisa incwadzi lesemaThulusini etfu Ekufundzisa. Sekusele sikhatsi lesincane kutsi uMbuso waNkulunkulu upitjite bonkhe bohulumende labamelene nawo. (Dan 2:44; 1Ko 15:24, 25) Ngako, shengatsi singalisebentisa ngalokugcwele lelitfuba kute sikhombise kutsi setsembekile kuJehova naseMbusweni wakhe!