UMCEBO LOSEVINI LANKULUNKULU

Jehova Uhlela Bantfu Bakhe

[Dlala i-video letsi, Setfulo saNumeri.]

Ema-Israyeli amisa emathende aba ngemacembu, futsi ngalinye licembu belakhiwa tive letintsatfu (Num 1:52, 53; w94-ZU 12/1 9 ¶4)

Bantfu lebebakulenkambu yema-Israyeli bebangaba ngu-3 000 000 nobe ngetulu (Num 2:32, 33; it-1-E 397 ¶4)

Jehova ufuna bantfu bakhe kutsi bamkhonte ngendlela lehlelekile. Nguloko lokwentiwa sive sema-Israyeli, futsi kwenteka lokufanako nalamuhla.—1Kt 14:33, 40.

Sitfombe lesikhombisa indlela lebeyime ngayo inkambu yaka-Israyeli. Lithende lekukhontela lisemkhatsini futsi emaceleni alo kunemindeni yesive semaLevi: Aroni ungasemphumalanga, emaKhohati angaseningizimu, emaGeshoni angasenshonalanga futsi emaMerari angasenyakatfo. Tive letingu-12 taka-Israyeli tikhashane. Ngasemphumalanga kunesive saka-Isakhari, sakaJuda, nesakaZebuloni. Ngaseningizimu kunesive sakaGadi, sakaRubeni, nesakaSimeyoni. Ngasenshonalanga kunesive sakaBhenjamini, saka-Efrayimu, nesakaManase. Ngasenyakatfo kunesive sakaNaftali, sakaDan, nesaka-Asheri.

Tibute: ‘Ngingakhombisa njani kutsi ngiyisekela ngalokugcwele inhlangano yaJehova?’