Siyalo Sikhombisa Indlela Jehova Lasitsandza Ngayo

Ngalokuvamile siyalo sisho kufundziswa, kodvwa siphindze sisho kucondziswa nekujeziswa. Jehova uyasiyala kuze simkhonte ngendlela layemukelako. (Rom 12:1; Heb 12:10, 11) Ngaletinye tikhatsi, siyalo singahle sibe buhlungu, kodvwa siletsa kulunga netibusiso. (Tag 10:7) Yini lokufanele bayikhumbule labo labaniketa siyalo nalabo labasitfolako?

Loniketa siyalo. Labadzala belibandla, batali kanye nalabanye betama kamatima kute bakhombisa umusa nelutsandvo nabaniketa siyalo njengaJehova. (Jer 46:28) Ngisho nesiyalo lesicinile kufanele siniketwe ngendlela levumelana netimo futsi sichutjwe lutsandvo.—Thi 1:13.

Lotfola siyalo. Ngisho nobe siyalo sichamuka ngayiphi indlela, kufanele sisemukele futsi sisisebentise ngekushesha. (Tag 3:11, 12) Njengebantfu labanesono, sonkhe siyasidzinga siyalo ngisho nobe sichamuka ngayiphi indlela. Singayalwa ngaloko lesikufundza eBhayibhelini nobe ngaloko lesikuva emihlanganweni yelibandla. Ngaletinye tikhatsi, labanye bangahle badzinge siyalo lesivela ekomidini yekwehlulela. Nangabe semukela siyalo futsi sisisebentisa siyawujabula futsi siphile phakadze.—Tag 10:17.

BUKELA I-VIDEO LETSI “JEHOVA UYAMYALA LOYO LAMTSANDZAKO,” BESE NIPHENDVULA LEMIBUTO LELANDZELAKO:

• 

  Yacala njani imphilo yaCanon, futsi yashintja njani?

• 

  Ngusiphi siyalo lesinelutsandvo lasitfola kuJehova?

• 

  Lokwenteka ekuphileni kwakhe kusifundzisani?