Bafati Lasebakhulile Baphatse Njengabomake Wakho, Nalabasikati Labasebasha Njengabodzadzewenu

ImiBhalo isitjela kutsi siphatse emaKhristu lasakhulile njengabomake nabobabe betfu, labasebasha njengabosisi nabobhuti betfu. (Fundza 1 KuThimothi 5:1, 2) Bazalwane kufanele baphatse bodzadze ngenhlonipho.

Umzalwane akukafaneli adlale ngelutsandvo nobe ente noma ngabe yini letawenta dzadze ative angakakhululeki nangabe anaye. (Job 31:1) Umzalwane longakashadi akukafaneli adlale ngemiva yadzadze longakashadi ngekutsi ente shengatsi ufuna babe nebudlelwane belutsandvo kantsi udlala ngaye.

Labadzala belibandla kufanele bakucabangele ngemusa nangabe dzadze abuta ngenhlonipho umbuto lotsite nobe aveta intfo letsite ledzinga kunakwa. Labadzala babacabangela kakhulu bodzadze labete emadvodza langabavikela.—Rut 2:8, 9.

BUKELA I-VIDEO LETSI LUTSANDVO LWAKHO EBANDLENI ALUNGAPHELI—TSANDZA BAFELOKATI NEBANTFWANA LABETE BATALI, BESE NIPHENDVULA LEMIBUTO LELANDZELAKO:

• 

  Libandla lakhombisa njani kutsi limtsandza kakhulu dzadze Myint?

• 

  Lutsandvo lelakhonjiswa libandla labuniketa njani bufakazi lobuhle endzaweni?

• 

  Lutsandvo lelakhonjiswa libandla lawatsintsa njani emadvodzakati adzadze Myint?

Bodzadze labasebandleni lakho ungabakhombisa ngatiphi tindlela kutsi ubakhatsalela ngelutsandvo?