Khuluma Ngetintfo Letisandza Kwenteka Nawusemsebentini Wekushumayela

Nakasemsebentini wekushumayela, Jesu bekafundzisa asebentisa tintfo letisandza kwenteka. (Luk 13:1-5) Nawe ungakhuluma ngetintfo letisandza kwenteka kuze wente bantfu banake umlayeto weMbuso. Ngemuva kwekutsi ukhulume ngetinkinga temnotfo, sehlakalo semvelo, titelega, kusetjentiswa kabi kwetidzakamiva, nobe lokunye lokufanako, buta umbuto lotamenta acabange. Ungambuta utsi: “Ucabanga kutsi kutake kuphele yini . . . ?” nobe “Ucabanga kutsi liyini likhambi . . . ?” Bese ufundza livesi lelihambisana naleyo ndzaba lenicoca ngayo. Nangabe lomuntfu akhombisa kutsi uyakutsandza kufundza, ungambukelisa i-video nobe umnikete incwadzi lesemaThulusini etfu eKufundzisa. Njengobe sitimisela kutsintsa tinhlitiyo tebantfu labasensimini lesikuyo, shengatsi singenta “tonkhe tintfo ngenca yetindzaba letimnandzi.”—1Kt 9:22, 23.

Ngutiphi tihloko letingakhanga bantfu labasensimini lokuyo?