UMCEBO LOSEVINI LANKULUNKULU

Mkhetse Ngekuhlakanipha Lotoshada Naye

Ngebulima Solomoni washada nebafati lebebakhonta bonkulunkulu bemanga (1Ks 11:1, 2; w18.07 18 ¶7)

Kancane kancane labafati bakhe bayikhweshisa inhlitiyo yakhe kuJehova (1Ks 11:3-6; w19.01 15 ¶6)

Jehova wamtfukutselela kakhulu Solomoni (1Ks 11:9, 10; w18.07 19 ¶9)

Titfombe: Dzadze longakashadi utidadishela liBhayibheli futsi ucabanga ngemzalwane losengakashadi. 1. Lomzalwane uyaphendvula emhlanganweni welibandla. 2. Lomzalwane ushumayela etindzaweni tawonkhe wonkhe. 3. Uyasita ekunakekeleni liHholwa leMbuso.

LiVi laNkulunkulu liyala emaKhristu lasengakashadi kutsi “ashade eNkhosini kuphela.” (1Kt 7:39) Kodvwa kubhajatiswa akumenti umuntfu kutsi abe ngumlingani lokahle. Lomuntfu utakusita yini kutsi uchubeke ukhonta Jehova ngemphefumulo wonkhe? Sonesikhatsi yini akhombisa kutsi uyamtsandza Jehova? Ngaphambi kwekutsi nivumelane kutsi ningashada, kufanele umati kahle lona lotawushada naye.