KUPHILA KWEMAKHRISTU
Jehova Uyasisita Nasinetinkinga
Kulamalanga ekugcina sibhekana netinkinga letimatima. Ngaletinye tikhatsi singeva ngatsi kumatima kutibeketelela tinkinga lesinato. Nobe kunjalo, nangabe sichubeka sisondzela kuJehova, utasisita sikhone kubeketelela ngisho netinkinga letisivisa buhlungu. (Isa 43:2, 4) Singasondzela njani kuJehova nangabe sinetinkinga?
Umthantazo. Nangabe sitfululela tinhlitiyo tetfu kuJehova, usinika kuthula kanye nemandla ekuchubeka sibeketela.—Flp 4:6, 7; 1Te 5:17.
Imihlangano. Siludzinga kakhulu lwati lolusekelwe eBhayibhelini kanye nekuba nebazalwane betfu emihlanganweni. (Heb 10:24, 25) Nangabe siyilungiselela imihlangano yelibandla, siba khona futsi sihlanganyele kuyo, sitawutfola lusito lwemoya waJehova.—Sem 2:29.
Umsebenti wekushumayela. Nangabe sihlala simatasa emsebentini wekushumayela, kutawuba melula kutsi sinake tintfo letikahle. Futsi sitawucinisa bungani lesinabo naJehova kanye nebazalwane betfu.—1Kt 3:5-10.
BUKELANI I-VIDEO LETSI JEHOVA UTAKWEMUKELA, BESE NIPHENDVULA LEMIBUTO LELANDZELAKO:
Yini leyasita Malu kutsi ahlale asondzelene naJehova ngesikhatsi anetinkinga?
Emavi lakuTihlabelelo 34:18 angasidvudvuta njani nangabe sibhekene netinkinga, njengobe kwenteka kuMalu?
Loko lokwenteka kuMalu kusikhombisa njani kutsi Jehova usiniketa “emandla lamakhulu kakhulu” nangabe sinetinkinga?—2Kt 4:7.