UMCEBO LOSEVINI LANKULUNKULU

‘Inhlitiyo Yami Itawuhlale Ikuyo’

Jehova watikhetsela lithempeli (2Tk 7:11, 12)

Inhlitiyo yaJehova beyitawuhlale ikuyo, lokukhombisa kutsi bekatakunaka loko lokwenteka kulendlu lemelela libito lakhe (2Tk 7:16; w02-ZU 11/15 5 ¶1)

Nangabe labantfu bebatawuyekela kukhonta Jehova “ngayo yonkhe inhlitiyo” yabo, Jehova bekatawuvumela lelithempeli kutsi libhujiswe (2Tk 6:14; 7:19-21; it-2-E 1077-1078)

Titfombe: Tindlela tekukhonta. 1. Umzalwane uyathantaza. 2. Dzadze uyaphendvula emhlanganweni welibandla. 3. Labashadene basebenta ndzawonye emsebentini wekushumayela. 4. Umzalwane uhlanta liHholwa leMbuso. 5. Umzalwane wenta kukhonta kwemndeni akanye nemkakhe nebantfwabakhe lababili. 6. Dzadze ufundza liBhayibheli lakhe. 7. Dzadze ufaka umnikelo ebhokisini.

Ngesikhatsi kuniketelwa lelithempeli, labantfu kungenteka bebacabanga kutsi tinhlitiyo tabo titawuhlale tikulelithempeli. Lokubuhlungu, kutsi kancane kancane labantfu baphelelwa ngumdlandla wekukhonta Jehova.

TIBUTE: ‘Ngikhombisa njani kutsi ngiyikhatsalela ngalokujulile indlela lengikhonta ngayo Jehova?’