Nkulunkulu Uyakukhatsalela
NGENCA yekutsi liBhayibheli livela kuNkulunkulu, lineteluleko letinhle kakhulu letingasisita. Alisiyo incwadzi yetekwelapha, kodvwa lingasisita ngetindlela letehlukahlukene kuze sibhekane netimo leticindzetelako, kuphazamiseka kwendlela lesicabanga ngayo, kanye nekuva buhlungu.
Lokubaluleke nakakhulu kutsi liBhayibheli liyasicinisekisa kutsi uMdali wetfu, Jehova Nkulunkulu,a uyayicondza imicabango yetfu kanye nendlela lesitiva ngayo kwendlula nobe ngabe ngumuphi lomunye umuntfu. Uyakulangatelela kusisita sibhekane nanobe nguyiphi inkinga. Sibonelo nje, cabanga nganayi imiBhalo lemibili ledvudvutako:
“Jehova usedvute nalabo labephuke tinhlitiyo; uyabasindzisa labephuke emoyeni.”—TIHLABELELO 34:18.
“Ngobe mine Jehova Nkulunkulu wakho ngibamba sandla sakho sangesekudla, Mine ngitsi kuwe: ‘Ungesabi, ngitakusita.’”—ISAYA 41:13.
Nobe kunjalo, Jehova usisita njani kuze sibhekane nenkinga yekucindzeteleka? Njengobe utawubona etihlokweni letilandzelako, Jehova ukhombisa ngetindlela letehlukahlukene kutsi usikhatsalela mbamba.
a Jehova ligama laNkulunkulu—Tihlabelelo 83:18.