Lokwentekile

Kukhombisa Bonkhe Bantfu Luvelo

Ngalelinye lilanga lomunye dzadze wabukela i-video letsi ‘Nakekelanani,’ lekhombisa kutsi Jehova akagcini nje ngekuba neluvelo kodvwa uyalukhombisa. (Isa. 63:7-9) Wancuma kusebentisa loko lakufundza ngekutsi afune litfuba lekusita lotsite. Ngalelolanga watsi nakatsenga, wabona lomunye make lobekete likhaya futsi wacela kumtsengela kudla. Lomake wavuma. Nakabuya nalokudla, wacoca kafishane nalomake asebentisa lipheshana lelitsi Kuyoke Kuphele Yini Kuhlupheka?

Tinyembeti tavele tehla nje kulomake. Wachaza kutsi wakhula anguFakazi kodvwa walishiya liciniso eminyakeni leminyenti leyendlulile. Kodvwa besekathantaza acela Jehova kutsi amsite abuyele kuye. Lodzadze waniketa lomake liBhayibheli futsi wahlela kudadisha naye liBhayibheli.a

Natsi singamlingisa Jehova ngekutsi sivele labanye lokufaka ekhatsi tihlobo tetfu kanye nebazalwane betfu nabodzadze. Singalukhombisa luvelo ngekutsi sifune ematfuba ekushumayela labanye.