Dadisha Unemgomo Wekucocela Labanye Loko Lokufundzile

Kudadisha kuyasicabula, kodvwa singacabuleka kakhulu nangabe sicocela labanye emaphuzu lesiwatfolile. Taga 11:25 titsi: “Nobe ngubani lonatsisa labanye emanti naye batamnatsisa.”

Nangabe sikucocela labanye loko lesikufundzako, loko kutasisita kutsi siwakhumbule kamelula lamaphuzu futsi siwacondze kancono. Ngetulu kwaloko, ngenca yekutsi lamaphuzu angabasita labanye, kuyasijabulisa kubacocela.​—Imis. 20:35.

Yetama naku: Evikini lelitako, funa ematfuba ekucocela lotsite loko lokufundzile. Ungacocela lilunga lemndeni, lotsite ebandleni, losebenta naye, lofundza naye, makhelwane nobe lotsite lomtfole nawushumayela. Khuluma ngendlela lecacile nalevakalako.

Khumbula: Cocela labanye loko lokufundzako ngenjongo yekubakhutsata, hhayi kubukisa.​—1 Khor. 8:1.