Yini UMbuso WaNkulunkulu Lotayenta Ngekugula?

“I-COVID-19 ayisasiso sifo lesiyingoti, kodvwa loko akusho kutsi asisabasongeli bantfu emhlabeni wonkhe. Kufanele sihlale sati kutsi sitawubakhona lesinye sifo lesingumshayabhuce futsi kudzingeka sihlale sisilungele.”​—Dr. Tedros Adhanom Ghebreyesus, umcondzisi we-World Health Organization, May 22, 2023.

Bantfu labanyenti bayachubeka bahlaselwa kugula lokutsintsa imitimba netingcondvo tabo ngenca ye-COVID-19. Bohulumende kanye nebetemphilo basilungele yini sifo lesingumshayabhuce lesitawulandzela? Bayakhona yini kulwisana netinkinga temphilo letikhona nyalo?

LiBhayibheli lisitjela ngahulumende lotatinakekela kahle tidzingo tetfu temphilo. Litsi “Nkulunkulu welizulu utawubeka umbuso” longuhulumende. (Danyela 2:44) Nasekubusa loMbuso, “kute lohlala khona loyawutsi: ‘Ngiyagula.’” (Isaya 33:24) Wonkhe muntfu utawuba nemphilo lenhle kanye nemandla njengasebusheni.​—Jobe 33:25.