Yan Zabolotnyi/stock.adobe.com
HLALANI NILINDZILE!
Buyandza Bubi Emhlabeni Wonkhe—Litsini LiBhayibheli?
Buyandza bubi lobubangwa ngemacembu etigebengu eHaiti. Bugebengu lobuhambisana nebudlova lobenteka eSouth Africa, eMexico kanye nakulamanye emave aseSouth America kubanga kuhlupheka kulamave. Ngisho nasetindzaweni lapho khona bugebengu sebehlile, kusenemibiko yekuganga leyenta bantfu bative bangakaphephi futsi bahlale bakhatsatekile.
Yini leshiwo liBhayibheli ngebubi lobugcwele emhlabeni?
Loko lokwaphrofethwa eBhayibhelini ngebubi
LiBhayibheli laphrofetha kutsi bubi bebutawuba ngulolunye luphawu lolukhombisa ‘kuphela kwalelive.’ (Matewu 24:3) Nakachaza tentakalo letihambisana naloluphawu, Jesu Khristu watsi:
“Ngenca yekwandza kwebubi, bantfu labanyenti batawuphelelwa lutsandvo.”—Matewu 24:12.
LiBhayibheli lakhuluma ngekutsi “emalangeni ekugcina,” bantfu ‘bebatawuhluleka kutibamba, babe nelulaka, bangakutsandzi lokuhle.’ (2 KuThimothi 3:1-5) Buntfu lobunjalo bandzisa bubi lamuhla.
Lokuhle kutsi lisekhona litsemba. LiBhayibheli letsembisa kutsi madvutane, bubi butawucedvwa.
“Ngemuva nje kwesikhashana, bantfu lababi ngeke basaba khona; utawubuka lapho bebatfolakala khona, kepha batawube bangasekho. Kodvwa labamnene batawudla lifa lemhlaba, futsi batawujabulela kuthula lokukhulu.”—Tihlabelelo 37:10, 11.
Fundza lokunyenti ngemlayeto loseBhayibhelini losiniketa litsemba ngekutsi yini lengakwenta uciniseke kutsi tintfo letenteka lamuhla tigcwalisa siphrofetho seliBhayibheli. Buka nati tihloko letilandzelako.
“Litsemba Sibili Ngelikusasa Lelihle”
“Sitawubona Ngani Kutsi Sesiphila ‘Emalangeni Ekugcina’?”
“Ingabe IBhayibheli Layibikezela Indlela Abantu Abacabanga Nabenza Ngayo Namuhla?,” lesitfolakala ngesiZulu.