Nkulunkulu Unendzawo Lecondzile Lahlala Kuyo Yini?

Lokushiwo liBhayibheli

Yebo. Nkulunkulu uhlala endzaweni lecondzile—emazulwini. Cabanga nganawa emavesi eliBhayibheli:

Emthantazweni wayo, iNkhosi Solomoni yatsi: “Ubobe sewuyeva usezulwini, indzawo yakho yekuhlala.”—1 Emakhosi 8:43.

Jesu Khristu wafundzisa bafundzi bakhe kutsi babhekisele imithantazo yabo ‘kuBabe wetfu losezulwini.’—Matewu 6:9.

Ngemuva kwekuvuswa ekufeni, Jesu “wangena ezulwini lucobo kuze nyalo avele embikwaNkulunkulu.”—Hebheru 9:24.

Lamavesi aveta ngalokucacile kutsi Nkulunkulu Jehova ungumuntfu mbamba, nekutsi akahlali kuyo yonkhe indzawo, kepha uhlala ezulwini kuphela.