Umbhalo longentansi

c Tati tisikisela kutsi kungenteka lamadvodza bekente sifungo sekuba ngemaNaziri. (Num. 6:1-21) Kuliciniso kutsi uMtsetfo waMosi, lesifungo lebesentiwe ngephansi kwawo, besewuphelelwe sikhatsi. Nobe kunjalo, kungenteka Pawula wacabanga kutsi bekungesiyo intfo lembi kutsi lamadvodza afeze sifungo sawo lebekasente kuJehova. Ngako, bekungesiyo intfo lembi ngaye kutsi awabhadalele letindleko futsi awaphekeletele. Asati kahle kutsi lesifungo besiyini nekutsi besifaka ekhatsi ini, kodvwa siyaciniseka kutsi Pawula bekangeke akusekele kunikelwa kwesilwane kutsi sibe ngumhlatjelo (njengobe bekwenta emaNaziri) kuze kuhlanjululwe tono talamadvodza. Umhlatjelo waKhristu lote sono, watsatsa sikhundla sanobe ngumuphi umhlatjelo wetilwane lebewentiwa kuze kususwe sono. Kunobe yini Pawula layenta, singaciniseka kutsi akazange avume kwenta nobe ngabe yini lebeyingavumelani nanembeza wakhe.