Umbhalo longentansi

e Zeksesi I bekatiwa ngekuba nemivelo leshintjashintjako, nelulaka. Herodotus, losati semlandvo lesingumGriki wabhala ngaletinye tibonelo tekulwa kwaZeksesi neGrisi. Lenkhosi yakhipha umyalo wekutsi kwakhiwe libhuloho kusetjentiswa imikhumbi ngasemseleni waseHellespont. Ngesikhatsi tikhukhula tibhidlita lelibhuloho, Zeksesi watsi bochwepheshe abancunywe tinhloko, nekutsi bantfu bakhe bajezise iHellespont ngekutsi bashaye emanti ngesiswebhu ngesikhatsi lesifanako kube kufundvwa emavi ekuyetfuka. Ngaso leso sikhatsi, kwatsi lapho indvodza lenjingile icela kutsi indvodzana yayo ingayi emphini, Zeksesi watsi lomntfwana akasikwe ekhatsi, umtimba wakhe kukhangiswe ngawo njengesecwayiso.