Umbhalo longentansi

b Incwadzi yaLevithikhusi 19:18 itsi: “Ungatibuyiseleli nome ube nemagcubu nebantfwana bebantfu bakini, kodvwa uyawutsandza makhelwane wakho njengobe utitsandza wena.” Baholi benkholo yemaJuda bebacabanga kutsi emavi latsi ‘bantfwana bebantfu bakini’ kanye nalatsi “makhelwane wakho” abesho emaJuda kuphela. UMtsetfo bewutsi ema-Israyeli angatihlanganisi naletinye tive. Nanobe kunjalo, bewungawusekeli umbono lobewukhutsatwa baholi benkholo bangelikhulu lekucala lotsi bonkhe bantfu labangesiwo emaJuda bebatitsa futsi bekufanele batondvwe.