Umbhalo longentansi

a Letinye tati teliBhayibheli titsi lamavi latsi “sikhumba esikhunjeni” asho kutsi ngebugovu, Jobe abetawuvumela kutsi bantfwana kanye nemfuyo yakhe balahlekelwe kuphila kwabo, kute nje yena alondvolote kuphila kwakhe. Letinye titsi lamavi agcizelela kutsi umuntfu angakulungela kulahlekelwa sikhumba sakhe kute asindzise kuphila kwakhe. Nasi sibonelo: Umuntfu angavika ngesandla kute avikele inhloko yakhe ekulinyatweni ngulokutsite, ngaleyo ndlela alahlekelwe sikhumba kute avikele lesinye sikhumba sakhe. Ngisho nobe inchazelo yalamavi itsini, kuyacaca kutsi wona abesho kutsi Jobe abengavuma kulahlekelwa ngiko konkhe lanako kute nje achubeke aphila.