Umbhalo longentansi

a Kuyamangalisa nawunaka indlela yekuchaza Jesu layisebentisa nakakhuluma ngemifanekiso lebeyiyincenye yekubonakala kwekuba khona kwakhe. Kwekucala, wakhuluma ‘ngesisebenti lesetsembekile’ lokulicembu lelincane lalabagcotjiwe lebebatawube bahola. (Mat. 24:45-47) Wabese ukhuluma ngemifanekiso lebeyimayelana nabo bonkhe labo labanelitsemba lekuya ezulwini. (Mat. 25:1-30) Kwekugcina wakhuluma ngalabo labanelitsemba lekuphila emhlabeni labatawusekela bomnakaboKhristu. (Mat. 25:31-46) Ngendlela lefanako, kugcwaliseka kwalesiphrofetho saHezekeli esikhatsini salamuhla kucale kukhombe loko lokutawenteka kulabo labanelitsemba lekuphila ezulwini. Nanobe umbuso wetive letilishumi ungakavami kufanekisela labo labanelitsemba lekuphila emhlabeni, kodvwa lobunye lobuchazwa ngulesiphrofetho busikhumbuta ngebunye lobukhona emkhatsini walabo labanelitsemba lekuphila emhlabeni nalabo labanelitsemba lekuphila ezulwini.