Tihlabelelo

Ingoma.

98 Hlabelelani Jehova ingoma lensha,+

Ngobe wente tintfo letimangalisako.+

Sandla sakhe sangesekudla, lokungumkhono wakhe longcwele, sente kutsi ancobe.+

2 Jehova wente kutsi insindziso yakhe yatiwe;+

Kulunga kwakhe ukwembulile etiveni.+

3 Usikhumbulile setsembiso sakhe sekuyentela umusa* indlu ya-Israyeli+ nekwetsembeka kuyo.

Wonkhe umhlaba uyibonile insindziso levela kuNkulunkulu wetfu.+

4 Nonkhe nine lenisemhlabeni memetani nijabulile, nihlabelele Jehova.

Jabulani, nimemete nitfokotile futsi nimdvumise ngengoma.+

5 Hlabelani nidvumise Jehova ngelihabhu,

Dlalani lihabhu futsi nihlabele ingoma lemnandzi.

6 Shayani emacilongo neluphondvo,+

Nimemete nijabulile embikwaJehova iNkhosi.

7 Shengatsi lwandle nako konkhe lokukulo kungamdvumisa,

Akadvunyiswe nangumhlaba nalabo labahlala kuwo.

8 Shengatsi imifula ingashaya tandla;

Netintsaba timemete kanye kanye tijabulile+

9 EmbikwaJehova, ngobe uyeta* kutawehlulela umhlaba.

Utawehlulela umhlaba ngekulunga,+

Nebantfu abehlulele kahle.+