² LiBhayibheli liveta liciniso lelingeke liphikwe nalitsi: “Lohambisana nebantfu labahlakaniphile naye ugcina asahlakaniphile; kodvwa umngani wetilima uyawuhlupheka.” (Taga 13:20) Lesaga asisho nje kutayelana nalotsite, kepha ligama lelitsi ‘kuhambisana’ lisho buhlobo lobuchubekako.a Ikhuluma ngalelivesi, incwadzi lechaza liBhayibheli itsi: “Kute bantfu bahambe ndzawonye kudzingeka babe nelutsandvo kanye nekusondzelana.” Awuvumi yini kutsi imvamisa silingisa labo lesibatsandzako? Loku kungenca yekutsi sisondzelene nalabo lesibatsandzako, lokwenta kube melula ngabo kusenta kutsi sente lokuhle nobe lokubi.