3. (a) Beyimelela ini indvuku “yaJuda”? (b) Kungani “indvuku ya-Efrayimu” beyimelela umbuso wetive letilishumi?

³ Jehova watjela Hezekeli kutsi atsatse tindvuku letimbili, kuyinye abhale kutsi “ngeyaJuda” bese kulelenye ubhala kutsi “ngeyaJosefa, indvuku ya-Efrayimu.” (Fundza Hezekeli 37:15, 16.) Betimelela ini letindvuku letimbili? Lendvuku lebeyibhalwe kutsi “ngeyaJuda” beyimelela umbuso wetive letimbili, lokusive sakaJuda nesakaBhenjamini. Emakhosi lebekaseluhlwini lwekutalwa lwaJuda ngiwo lebekabusa letive letimbili; futsi baphristi bebasebentelana nawo njengobe bebakhonta ethempelini lebeliseJerusalema. (2 Khr. 11:13, 14; 34:30) Ngako umbuso wakaJuda bewunemakhosi lavela eluhlwini lwekutalwa lwaDavide kanye nabaphristi labangemaLevi. “Indvuku ya-Efrayimu” beyimelela tive letilishumi tembuso waka-Israyeli. Kungani lendvuku beyihlotjaniswa na-Efrayimu? Inkhosi yekucala yaletive letilishumi bekunguJerobowamu, lobekavela esiveni saka-Efrayimu. Ngekuhamba kwesikhatsi, sive saka-Efrayimu sabese siba sive lesinemandla ka-Israyeli. (Dut. 33:17; 1 Khos. 11:26) Naka kutsi umbuso wetive letilishumi taka-Israyeli bewute emakhosi lavela eluhlwini lwekutalwa lwaDavide kanye nebaphristi labangemaLevi.

Hezekeli uyalwa nguJehova kutsi abhale yinye indvuku kutsi “ngeyaJuda” futsi abhale kulenye kutsi “ngeyaJosefa, indvuku ya-Efrayimu.”

“ngeyaJuda”

TIKHATSI TASENDVULO

Umbuso wakaJuda wetive letimbili

TIKHATSI TALAMUHLA

Labagcotjiwe

“ngeyaJosefa, indvuku ya-Efrayimu”

TIKHATSI TASENDVULO

Umbuso waka-Israyeli wetive letilishumi

TIKHATSI TALAMUHLA

Letinye timvu