• “Tonkhe Tintfo Titawuphila Nome Ngukuphi Lapho Kuya Khona Lamanti”
    Kukhonta Jehova Ngendlela Lehlantekile—Kuyabuyiselwa Ekugcineni!

    • 6. (a) Lombono losiphrofetho wendlulisela siphi setsembiso lesinika litsemba? (b) Ngusiphi secwayiso lebesivetwa ngulombono? (Buka umbhalo longentasi.)

      6 Emanti lanika kuphila. Kulombono waHezekeli, lomfula bewugeletela eLwandle Lolufile futsi wavuselela incenye lenkhulu yalo. Naka kutsi lamanti bekanika tinhlanti letinyenti kuphila kangangekutsi letinhlanti letehlukehlukene besetifana naleto betitfolakala eLwandle Lolukhulu nobe eLwandle iMedithera. Bekuphindze kube nebantfu lebebadvweba tinhlanti elugwini lweLwandle Lolufile emkhatsini wemadolobha lamabili lebekachelelene ngelibanga lelidze. Lengilosi yatsi: “Tonkhe tintfo titawuphila nome ngukuphi lapho kuya khona lamanti.” Nobe kunjalo, loku kusho kutsi lamanti lebekageleta aphuma endlini yaJehova bekafika kuto tonkhe tincenye teLwandle Lolufile yini? Cha. Lengilosi yachaza kutsi lamanti lanika kuphila bekangeke afike kuletinye tindzawo letilitete. Letindzawo ‘tasala tiluswayi.’b (Hez. 47:8-11) Ngako lombono losiphrofetho bewuveta setsembiso lesicinisekisako sekutsi kukhonta lokuhlantekile bekutawuvusetela labantfu futsi kubente baphumelele. Kodvwa bewuphindze unikete nasi secwayiso: Akusibo bonkhe bantfu lebebatawemukela tibusiso taJehova; futsi akusibo bonkhe lebebatawelashwa.

  • “Tonkhe Tintfo Titawuphila Nome Ngukuphi Lapho Kuya Khona Lamanti”
    Kukhonta Jehova Ngendlela Lehlantekile—Kuyabuyiselwa Ekugcineni!

    • b Labanye babhali batsi lenkhulumo ikahle, ngenca yekutsi sekusikhatsi lesidze luswayi lusetjentiselwa kulondvolota kudla kuze kungaboli, futsi luyibhizinisi lehamba embili esifundzeni saseLwandle Lolufile. Kodvwa naka kutsi lendzaba iliveta ngalokucacile liphuzu lelitsi letindzawo letilitete ‘angeke telashwe.’ Tichubeka tite kuphila futsi tingakelashwa ngobe lamanti laniketa kuphila lavela endlini yaJehova awefiki kuto. Ngako kubonakala shengatsi kulesimo, kuba neluswayi kwalamatete kusetjentiswe ngemcondvo lomubi.—Hla. 107:33, 34; Jer. 17:6.

      c Ngendlela lefanako, cabanga ngemfanekiso waJesu lomayelana nelinethi. Tinyenti tinhlanti letibanjwa ngulelinethi, kodvwa akusito tonkhe “letinhle.” Letinhlanti letimbi kufanele tilahlwe. Ngako Jesu bekaniketa secwayiso sekutsi linani lelitsite lalabo labatawungena enhlanganweni yaJehova, kungenteka ngekuhamba kwesikhatsi likhombise kungetsembeki.—Mat. 13:47-50; 2 Thim. 2:20, 21.

  • “Tonkhe Tintfo Titawuphila Nome Ngukuphi Lapho Kuya Khona Lamanti”
    Kukhonta Jehova Ngendlela Lehlantekile—Kuyabuyiselwa Ekugcineni!

    • b Labanye babhali batsi lenkhulumo ikahle, ngenca yekutsi sekusikhatsi lesidze luswayi lusetjentiselwa kulondvolota kudla kuze kungaboli, futsi luyibhizinisi lehamba embili esifundzeni saseLwandle Lolufile. Kodvwa naka kutsi lendzaba iliveta ngalokucacile liphuzu lelitsi letindzawo letilitete ‘angeke telashwe.’ Tichubeka tite kuphila futsi tingakelashwa ngobe lamanti laniketa kuphila lavela endlini yaJehova awefiki kuto. Ngako kubonakala shengatsi kulesimo, kuba neluswayi kwalamatete kusetjentiswe ngemcondvo lomubi.—Hla. 107:33, 34; Jer. 17:6.

      c Ngendlela lefanako, cabanga ngemfanekiso waJesu lomayelana nelinethi. Tinyenti tinhlanti letibanjwa ngulelinethi, kodvwa akusito tonkhe “letinhle.” Letinhlanti letimbi kufanele tilahlwe. Ngako Jesu bekaniketa secwayiso sekutsi linani lelitsite lalabo labatawungena enhlanganweni yaJehova, kungenteka ngekuhamba kwesikhatsi likhombise kungetsembeki.—Mat. 13:47-50; 2 Thim. 2:20, 21.

  • “Tonkhe Tintfo Titawuphila Nome Ngukuphi Lapho Kuya Khona Lamanti”
    Kukhonta Jehova Ngendlela Lehlantekile—Kuyabuyiselwa Ekugcineni!

    • 12. (a) Ngubuphi bufakazi lobuveta kutsi umlayeto weliciniso wenta bantfu babe nebuhlobo naNkulunkulu futsi babe nemphilo lenhle? (b) Ngusiphi secwayiso lesifike ngesikhatsi lombono losendlulisela kitsi lamuhla? (Buka nembhalo longentasi.)

      12 Emanti lanika kuphila. Naku Hezekeli latjelwa kona: “Tonkhe tintfo titawuphila nome ngukuphi lapho kuya khona lamanti.” Cabanga ngendlela umlayeto weliciniso logelete ngayo waya kubo bonkhe labangena kulelive letfu lelibuyiselwe. Emaciniso eliBhayibheli atsintse tinhlitiyo tetinkhulungwane tebantfu futsi abasita baba nekukholwa kuJehova. Nobe kunjalo, lombono uphindze uvete nasi secwayiso lesifike ngesikhatsi: Akusibo bonkhe labalemukelako leliciniso. Njengaletindzawo letiseLwandle Lolufile letilitete naletineludzaka letabonwa nguHezekeli embonweni, kunebantfu labangalemukeli liciniso futsi labangafuni kulisebentisa ekuphileni kwabo.c Shengatsi loko kungete kwenteka kitsi!—Fundza Dutheronomi 10:16-18.

  • “Tonkhe Tintfo Titawuphila Nome Ngukuphi Lapho Kuya Khona Lamanti”
    Kukhonta Jehova Ngendlela Lehlantekile—Kuyabuyiselwa Ekugcineni!

    • 14, 15. (a) Ngutiphi tifundvo lesitifundzako kuletindzawo letingematete langakelashwa letikulombono waHezekeli? (b) Lomfula lowabonwa nguHezekeli embonweni usizuzisa njani lamuhla?

      14 Ngesikhatsi lesifanako, kunesifundvo lesingasitfola kuletindzawo letingematete langakelashwa. Asifuni kwala sibusiso saJehova kutsi sigeletele etimphilweni tetfu. Kungaba buhlungu kakhulu kutsi sihlale singakelashwa, njengebantfu labanyenti kulelive leligulako. (Mat. 13:15) Kunaloko, kusijabulisa kakhulu kuzuza kulomfula wetibusiso. Nangabe sinatsa ngekutimisela kulamanti lahlantekile eliciniso leliseVini laNkulunkulu, nangabe sishumayela futsi sitjela labanye ngalamaciniso, nangabe sisemukela sicondziso lesiveta lutsandvo, semukela nendvudvuto kanye nelusito loluchamuka kulabadzala belibandla labaceceshwe sisebenti lesetsembekile, loko kungasenta sicabange ngembono waHezekeli lomayelana nemfula. Lomfula uniketa kuphila futsi welapha nobe ngukuphi lapho uya khona!