² Njalo ngemnyaka, siba yincenye yetigidzi tebantfu emhlabeni wonkhe letihlangana ngelilanga lokwafa ngalo umuntfu lesimtsandza kakhulu, lokunguJesu Khristu. (1 Phet. 1:8) Sihlangana ndzawonye kuze sikhumbule loyo lowanikela ngekuphila kwakhe kutsi kube yinhlawulo kuze sitawusindza esonweni nasekufeni. (Mat. 20:28) Ecinisweni, Jesu bekafuna kutsi balandzeli bakhe bakukhumbule kufa kwakhe. Ngebusuku lebebungaphambi kwekufa kwakhe wacalisa sidlo lesikhetsekile sakusihlwa futsi watsi: “Chubekani nikwenta, ningikhumbula.”b—Luk. 22:19.